Dr farbigi Abschluss vur 5. Johresziit isch denn, wenn sich dr harti Kern am Mittwuchmorga uf da Strossa mit dena vermischt, wo gad go schaffa gönd. Traditionell beendet a handvoll hartgsottni Fasnächtlerinna und Fasnächtler zemma mit em Vorstand vur Fasnachtsvereinigung dia Närrischi Ziit mitama kliina Umzug zrugg zur Rothushalla. Dött kriagt dr Stapi sin Schlüssel zrugg und miar gönd hai und ruabend üs us für nögscht Johr.